Biografia/Detyrat dhe Përgjegjësitë

Vigan Kastrati u lind në Prishtinë, më 06 Korrik 1983.

Studimet universitare i ka përfunduar në Kolegjin “Iliria” për Menaxhment dhe Informatikë.

Z. Kastrati ka përvojë profesionale në menaxhim, udhëheqje dhe organizim. Njohës i proceseve administrative, financiare si dhe influencues në rritje të performancës së stafit dhe kompanisë.

Gjatë periudhës 2002 – 2005 ka punuar si drejtor ekzekutiv në OJQ “Promote Arty”. Përgjegjës për të punuar ngushtë me Ministrinë e Sportit, Kulturës dhe Rinisë në avancimin e pozitës së Artit në Kosovë.

Në vitet 2004 – 2009 ushtroi detyrën e menaxherit në kompaninë “Kastrati Group”.

Në periudhën 2006 – 2008 ushtroi detyrën e kryetarit në OJQ “Prishtina Youth Network”.

Z. Kastrati 2009 – 2013 ka punuar si Koordinator i Projektit në OJQ “Focus”. Roli i të cilit ka qenë organizimi i ekipës dhe planifikimi i punëve në terren, projekt propozimet dhe buxhetet e hartuara, përfaqësimi i idealeve në takime dhe simpoziume për të kontribuar në fushën “Çështja e Fëmijëve dhe të Drejtave të Njeriut”.

Anëtar i Fushatës Ndërkombëtare për Ndalimin e Minave Tokësore: Mori pjesë në më shumë se 10 simpoziume ndërkombëtare dhe takime shtetërore si ambasador i të rinjve, vëzhgues i takimeve, aktivist rinor, trajner, praktikant lobimi gjatë takimit të OKB-së në vendet si: Kenia, Jordani, Kroacia, Kanadaja, Kamboxhia, Laosi, Kolumbia, Turqia.

Anëtar i Koalicionit të Municioneve Thërrmuese ku organizoi aktivitete për të rritur ndërgjegjësimin kundër municioneve thërrmuese dhe municionet e paplasura në Kosovë.

Mori pjesë si dëshmitar në ceremoninë e nënshkrimit të Konventës nga kryeministrat e shteteve në Oslo të Norvegjisë.

Në vitin 2010 deri në Korrik të vitit 2023 ushtroi detyrën e Drejtorit Ekzekutiv në kompaninë “Horeca L.L.C”, ndërsa në vitin 2022 ushtroi edhe detyrën e drejtorit në kompaninë “Dominos Internacional” në Prishtinë.

Ka ushtruar detyrën e Drejtorit të Administratës në Komunën e Prishtinës, dhe aktualisht ushtron detyrën e Drejtorit të Kadastrit dhe Gjeodezisë, Komuna e Prishtinës.

Email: vigan.kastrati@rks-gov.net

Asistente: arlinda.b.zeqiri@rks-gov.net

Tel: 038/200-400-76

Drejtoria e Kadastrit

Është përgjegjëse për zhvillimin dhe organizimin e kapaciteteve kadastrale, rrjetin referues homogjen, rikonstruimin e informatave kadastrale në formë digjitale, modelin e sistemit informativ për tokën dhe pronën

Ofron shërbime profesionale dhe shërbime të tjera për subjekte të interesuar;

Përmirëson transferimin e tokës, menaxhimin e tokës shtetërore dhe efikasitetin në tatimin e tokave;

Planifikon rrjetin me pika të reja kontrolluese dhe themelon pika të reja kontrolluese;

Digjitalizon pikat poligonale dhe trigonometrike, vektorizimin e planeve të skanuara (ngastrave dhe zonave kadastrale);

Azhurnon pjesën grafike, në bazë të dokumenteve dhe matjeve të reja dhe i transformon me parametrat e dhëna për transformim;

Ofron shërbime rreth mirëmbajtjes dhe klasifikimit të kulturave të tokës;

Ofron shërbime për ndarjen e ngastrave dhe shënimin e kufijve në rastet e shpronësimeve;

Kryen punë profesionale, në fushën e gjeodezisë (ndryshimet e bëra gjatë matjeve-bartjes së tyre në programin e gjeodezisë);

Ofron shërbime për shënimet e digjitalizuara (dhënien e koordinatave në terren);

Kontrollon rrjetet dhe matjet gjeodezike;

Incizon sipërfaqet e ndërtesave dhe pjesëve të tyre, objektet nëntokësore dhe mbitokësore dhe i përpunon skicat;;

Regjistron pronën e paluajtshme dhe tokën komunale;

Zhvillon procedurën e regjistrimit, në përputhje me ligjet, sipas detyrës zyrtare dhe kërkesave të palëve;

Korrigjon regjistrin (RDPP) sipas procedurave dhe dispozitave ligjore në fuqi;

Azhurnon e regjistrin e pronën, në bazë të dokumenteve të verifikuara dhe shënimeve të tjera nga dokumentacioni arkivor si dhe regjistrit të ndërrimeve të mjeteve nga terreni;

Zbaton procedurat rreth transaksioneve të pronës publike në RDPP;

Shqyrton dhe zhvillon procedurat administrative për rikthimin e paluajtshmërisë ish-pronarit, evidenton dhe shlyen masat e përkohshme sipas aktvendimit të gjykatës kompetente;

Udhëheq me kadastrën etazhore të banesave, ndërtesave, si dhe ngastrat kadastrale në të cilat janë të ndërtuara banesat;

Regjistron dhe çregjistron hipotekat;

Merr vendime mbi regjistrimin e servituteve, barrën tatimore, ngastrat e tatimit në pronë dhe shënimet lidhur me dorëzanitë;

Lëshon certifikata për patundshmëri, sipas kërkesave;

Mirëmban, korrigjon dhe harmonizon evidencat e vendbanimeve, fshatrave, shesheve, rrugëve dhe numrat e objekteve dhe ndërtesave;

Nxjerr vendime për miratim ose refuzim të kërkesave;

Nxjerr konkluzione për plotësimin e kërkesave të pakompletuara;

Përmirësimi i transferimit të tokës, menaxhimi i tokës shtetërore dhe efikasiteti në tatimin e tokave;

Kryen edhe punë të tjera, në bazë të ligjeve të aplikueshme në kuadër të fushë veprimtarisë së Drejtorisë.

Me qëllim të ushtrimit të funksioneve të përcaktuara me dispozitat ligjore në fuqi, Drejtoria e Kadastrit, është e organizuar në këta sektorë:

1. Sektori i Kadastrit -> Puna me palë – Çdo të enjte prej orës 09:00-12:00;

2. Sektori i Gjeodezisë -> Puna me palë – Çdo të mërkurë prej orës 09:00-12:00.

Biografia/Detyrat dhe Përgjegjësitë

How do i

Si mund të?