“Është krijuar një strategji që bënë ndërlidhjen me zhvillimin ekonomikë të komunave të qendrës. Me këtë strategji ne së bashku do të konkurrojmë në fondet evropiane në zhvillim, pasi konsiderojmë se gjysma e Kosovës është e përfshirë në këtë agjenci, tha kryetari i Komunës së Prishtinës, Isa Mustafa, duke bërë një përmbledhje të aktiviteteve pas themelimit të kësaj agjencie.
Ndërkaq, projektet që ndërlidhen me komunat krijojnë rezultate. E dini se ky proces ka qenë mjaft i komplikuar, por tani që kemi strategjinë në muajt e ardhshëm mund të fillojmë të zbatojmë projekte në praktik. Në presim të punojmë në projekte konkrete.
Ky është një dokument i gjallë dhe afatgjatë. Në hapat e ardhshëm do të ketë më shumë fonde dhe para për të investuar në zonat ekonomike. Por, të gjitha gjërat nuk mund të zgjidhen brenda muajve, prandaj duhet shumë punë.
Drejtori i AZHR-së, Salvador Elmazi, prezantoi Draft-Strategjinë e punuar nga Agjencia për Zhvillim Rajonal – Qendër.
Ai tha se deri në fund të vitit do të kemi një plan nga burimet e financimit të kësaj strategjie.
“Vizioni i ZEQ është, që përmes zhvillimit dhe bashkëpunimit ekonomik rajonal, të krijoj mundësi të barabarta dhe mirëqenie për qytetarët e saj, që do të matej në infrastrukturë cilësore, mjedis të pastër, zhvillim të qëndrueshëm ekonomik në përputhje me standardet e BE-së”, tha Elmazi
“Synimet e kësaj strategjie janë zhvillimi ekonomik, zgjerimi i sistemit të ujitjes së tokave, shfrytëzimi i linjitit dhe ndërtimi i kapaciteteve elektoroenergjetike, zhvillimi i industrisë përpunuese – kultivimi dhe përpunimi i frutave dhe perimeve, përpunimi i letrës, plastikës, përpunimi i xeheve”, shtoi ai..
“Hapja e rrjetit të zyrave One-stop-shop që mbulojnë të gjitha komuna e ZE Qendër, dhe është paraparë themelimi i qendrave të inovacionit dhe mbështetjes bujqësore; Qendrave për dialog ndërmjet Akademisë dhe ndërmarrjeve për përmirësimin e cilësisë së fuqisë punëtore; fuqizimi i qendrave komunale të punësimit, përmirësimi i mjedisit; themelimi i Zyrës Regjionale të Informacionit për turistë”, tha udhëheqësi i AZHR-së Selvador Elamzi.
Në këtë takim diskutuan disa të pranishëm, si Muhamet Mustafa nga Riinvest, Mustaf Hasani, drejtor i Agjencisë për Tërheqje të Investimeve, Naser Grajqevci nga Ministria e Tregtisë dhe Industrisë, Shenoll Muharremi nga KE.
Agjencia për Zhvillim Rajonal – Qendër, nën kryesimin e Isa Mustafës, kryetar i Komunës së Prishtinë, dhe kryesues i Bordit të Partnerëve të AZHR-Qendër, sot, diskutoi Draft-Strategjia për Zhvillimin Rajonal Social-Ekonomik për Zonën Ekonomike Qendër.
