MA. Sc. Shkëmb MANAJ, nënkryetar i Kryeqytetit të Republikës së Kosovës, Prishtinës.
U lind në Istog, më 25.5.1983. Shkollën fillore dhe të mesme i kreu në vendlindje. Ka përfunduar studimet e rregullta dhe studimet postdiplomike Master në Fakultetin Juridik të Universitetit të Prishtinës, si dhe ka kryer Provimin Shtetëror të Jurisprudencës.
Për 18 vjet ishte pjesë e institucioneve qendrore të Republikës së Kosovës, në pozita të rëndësishme:
– Zyrtar i lartë në Ministrinë e Administratës Publike;
– Drejtor i Departamentit të Administratës Qendrore në Ministrinë e Kulturës, Rinisë dhe Sportit;
– Ushtrues i detyrës së sekretarit të përgjithshëm në Ministrinë e Kulturës, Rinisë dhe Sportit;
– Drejtor i Departamentit Ligjor në Ministrinë e Kulturës, Rinisë dhe Sportit;
– Anëtar i Këshillit të Pavarur Mbikëqyres për Shërbimin Civil të Kosovës;
– Kryetar i Këshillit të Pavarur Mbikëqyrës për Shërbimin Civil të Kosovës;
– Drejtor i Departamentit të Inspektoratit të Trashëgimisë Kulturore në Ministrinë e Kulturës, Rinisë dhe Sportit;
– Deputet i Kuvendit të Republikës së Kosovës në Legjislaturën VII;
– Kryetar i Komisionit për Legjislacion, Mandate, Imunitete dhe të Mbikëqyrjes së Agjencisë Kundër Korrupsionit në Kuvendin e Republikës ë Kosovës;
– Këshilltar për çështje ligjore i Kryetarit të Kryeqytetit të Republikës së Kosovës;
– Aktualisht është nënkryetar i Kryeqytetit.
Shkëmbi është i përfshirë në jetën politike dhe publike për 20 vjet me radhë. Ka qenë pjesë e strukturave drejtuese të Forumit të Rinisë, si dhe të strkturave seniore të Lidhjes Demokratike të Kosovës. Aktualisht është, anëtar i Kryesisë Qendrore të Lidhjes Demokratike të Kosovës, si dhe udhëheqës i Departamentit të Drejtësisë në LDK.
Ai shquhet si njëri ndër njohësit me të mirë të shërbimit civil, administratës publike, si dhe të çështjeve kushtetuese. Të gjitha rastet e shkruara nga Manaj në emër të LDK-së në mbrojtje të institucioneve të pavaruara dhe të administratës publike, janë fituar në Gjykatën Kushtetuese të Republikës së Kosovës.
Shkëmb Manaj është djali i Heroit të Kosovës, Shaban Manaj, i cili ka qenë njëri nga bashkëpunëtorët e afërt të Presidentit historik, dr. Ibrahim Rugova, në lëvizjen e Kosovës për liri, pavarësi dhe demokraci.
Shkëmbi është i martuar me Gonete Cacaj – Manaj dhe i kanë tri vajza: Gertën, Erën dhe Orën.
E-mail: shkemb.manaj@rks-gov.net
Asistent: gentonis.hakaj@rks-gov.net
