I. Përkrahje në blegtori – pagesa direkte
Ftohen tё gjithё fermerёt e Komunës së Prishtinës, tё cilёt posedojnё gjedhe qumёshtore, buallica si dhe kafshё tё imёta – dele dhe dhi, se mund tё aplikojnё pёr pagesa direkte (subvencione) nё lёmin e blegtorisё.
Kriteret qё duhet t’i plotёsojnё fermerёt/aplikuesit:
Përkrahen fermerët që kanë:
– 3 – 10 krerë gjedhe (lopë qumështore);
– 3 – 10 krerë buallica (buallica qumështore);
– 20 -150 krerë dele;
– 20 – 150 krerë dhi;
– Kafshёt duhet tё jenё tё matrikuluara;
– Përfituesi duhet të jetë banorë i Komunës së Prishtinës;
– Objekti (stalla) të jetë në territorin e Komunës së Prishtinës.
Dokumentacioni i nevojshëm:
– Kopja e një dokumenti identifikues tё vlefshëm tё Republikës së Kosovës;
– Konfirmimi i llogarisë bankare jo më i vjetër se tre muaj (Origjinal);
– Vërtetim nga shërbimet veterinare për vitin 2025 (Origjinal);
II. Përkrahje në bletari – pagesa direkte
Ftohen tё gjithё fermerёt e Komunës së Prishtinës, tё cilёt posedojnё bletë, se mund tё aplikojnё pёr pagesa direkte (subvencione) nё lёmin e bletarisë.
Kriteret qё duhet t’i plotёsojnё fermerёt/aplikuesit:
– Përkrahen bletarët që kanë 10 – 29 shoqëri bletësh;
– Bletarët duhet t’i kenë të vendosura bletët vetëm në një bletore;
– Përfituesi duhet të jetë banorë rezident i Komunës së Prishtinës dhe të ketë bletoren në territorin e Komunës së Prishtinës;
– Përfituesi – bletarët duhet të kenë të shenjëzuar kosheret ( shtëpizat e bletëve);
– Numri identifikues i fermerit (NIF) duhet të jetë i vendosur në shabllon, në përmasat 30 x 12 cm, në trupin e kosheres, jo në kapak, i shënjuar me ngjyrë të përhershëme.
Dokumentacioni i nevojshëm:
– Kopja e një dokumenti identifikues tё vlefshëm tё Republikës së Kosovës;
– Konfirmimi i llogarisë bankare jo më i vjetër se tre muaj (Origjinal);
– Numri identifikues i fermerit (NIF).
III. Përkrahje në shpezëtari-pagesa direkte
Ftohen të gjithë fermerët (person jurudik) e fermave komerciale që posedojnë pula vojse në sistem të mbyllur dhe sisteme të lirë, në territorin e Komunës së Prishtinës, se mund të aplikojnë për pagesa direkte (subvencione) në lëmin e shpezëtarisë.
Kriteret që duhet të plotësojnë fermerët/aplikuesit:
– Aplikuesi duhet të ketë fermën (objektin) në territorin e Komunës së Prishtinës dhe të jetë banorë i tij;
– Përfitues mund të jenë fermerët (person juridik) e fermave që kanë 1000 deri 6000 copë pula për vezë;
– Ferma duhet të jetë e regjistruar;
– Në kohën/ditën e realizimit të kontrollit në teren, mosha e pulave vojse duhet me qenë 16 javëshe, por jo me shumë se 95 javëshe;
– Ferma me sistem të lirë duhet që në një hapsirë të ketë minimum 1000 copë pula vojse.
Dokumentacioni i nevojshëm:
– Kopja e çertifikatës së biznesit (Kopje);
– Certifikata e numrit fiskal (Kopje);
– Kopja e letërnjoftimit të personit të autorizuar (përfaqësues i biznesit);
– Konfirmimi i llogarisë bankare në emër të biznesit, jo më i vjetër se tre muaj (Origjinal);
– Dëshmi për numrin dhe origjinën e pulave vojse ( faturën) kopje;
– Dëshmi mbi gjendjen shëndetësore të pulave të lëshuar nga autoriteti kompetent (AUVK) kopje.
Data për aplikim prej 22.01.2025 deri mё 07.02.2025, aplikimi bëhet në objektet e tri Bashkësive Lokale në: Besi, Llukar dhe Taslixhe.
VËREJTJE
Nëse komisioni parasheh të nevojshme sjelljen e dokumenteve shtesë të cilat mundësojnë zgjedhjen e përfituesit, qytetari (fermeri) është i obliguar që t’i sjellë ato në afatin i cili i caktohet, në të kundërtën humb të drejtën për të qenë përfituesi i subvencionit.
