“Pas shumë bisedimeve kemi vendosur, që ndërtesa e zjarrfikësve të vendoset në këtë lokacion”, tha Hoti duke shtuar se ky është një lokacion mjaftë i mirë, sepse ofron qasje shumë funksionale me gjithë qytetin e Prishtinës, pra për disa minuta zjarrfikësit mund të jenë në secilën pjesë të Prishtinës.“Kërkojmë edhe nga kompania, e cila e ka marrë përsipër të ndërtojë këtë objekt, që të punojë me efikasitet shumë të lartë, në mënyrë që sa m shpejtë të përfundojë dhe të vihet në ofrim të qytetarëve të Prishtinës. Siç po e shihni ky vend po bëhet një kompleks shumë i mirë, ku ka edhe disa shkolla këtu pari. Po ashtu edhe disa ndërtesa tjera do të ndërtohen shumë shpejtë. Siç dihet ky vend një kohë ka qenë një pjesë e pashfrytëzuar e qytetit të Prishtinës, e në të vërtetë është një pjesë shumë e nevojshme për Prishtinën”, tha nënkryetari i komunës.
Hoti, përmendi edhe projektet tjera që komuna është duke i realizuar dhe do t’i realizojë në funksion të intervenimeve më të lehta të zjarrfikësve si zgjerimin e Bulevardit “Bill Klinton”, rrugës “Agim Ramadani”, ndërtimin e unazave e qytetit e etj. Ndërkaq, Agim Gashi, drejtor i Drejtorisë për Shërbimeve Publike, Mbrojtjes dhe Shpëtimit, tha se “ky objekt do t’i plotësojë të gjitha standardet e kërkuara për operim. “Sivjet është risi pajisja me rroba speciale, të cilat e durojnë temperaturën deri në 400 gradë celsius. Pastaj me mjete të tjera më të vogla, zjarrfikësit do të kenë mundësi të operojnë në rrugë të ngushta, pasi që siç e dini Prishtina me rrugët e ngushta i bën këto operacione më të vështira. Përpos kësaj zjarrfikësit do të pajisen me veshje speciale tjera për të gjithë njësitë dhe me pajisje përkatëse, që janë planifikuar në planin buxhetor. Po ashtu do të rinovohen garazhet në Kodrën e Trimave, i cili është një projekt, që do të pasojë pas disa ditësh” tha Gashi. Ndryshe ndërtimi i këtij objekti buxhetit të Komunës së Prishtinës, i ka kushtuar 1 milion e 50 mijë euro, dhe pritet të ndërtohen brenda katër muajve, ndërsa punimet do të ekzekutohen nga kompania “Bedi Ndërton”.
“Ne sot po shënojmë një aktivitet mjaftë të rëndësishëm për shërbime të qytetarëve të Prishtinës, po fillojmë ndërtimin e objektit të Brigadës së zjarrfikësve”, tha nënkryetari i Komunës së Prishtinës, Avdullah Hoti, me rastin e venies së gurit të themelit të objektit të Brigadës së zjarrfikësve, në lagjen "Kalabria".
