Bazuar në rregulloren e MF-NR-04/2017 për Kriteret, Standardet dhe Procedurat e Financimit Publik për OJQ-të dhe rregulloren për ndarjen e subvencioneve nga Komuna e Prishtinës, sipas thirrjes publike për Art dhe Kulturë për kategoritë si:
- Festivale, Muzikë, Manifestime, Kinematografi dhe Mbështetje të aktiviteteve vjetore të organizatave dhe operatorëve kulturorë
Të gjithë qytetarët e Republikës së Kosovës të cilët nuk janë nën hetime apo me precedent penal dhe që kanë përvojë në shoqërinë civile, u mundësohet të aplikojnë për pjesëmarrje në Komisionin Vlerësues në cilësinë:
Për thirrjen publike për kategoritë: Festivale, Muzikë, Manifestime, Kinematografi dhe Mbështetje të aktiviteteve vjetore të organizatave dhe operatorëve kulturorë
- Një përfaqësues/e nga OJQ-të, si dhe
- Një ekspert/e
Përfaqësuesi/ja e lartcekur që përzgjidhet do të jetë anëtar/e e komisionit vlerësues me të drejtë vote për vlerësimin e projekt-propozimeve komfor procedurave të rregullta administrative.
Aplikuesit duhet të jenë persona me përvojë profesionale mbi 3 vite në të paktën njërën nga fushat e lartpërmendura.
Afati për aplikim është nga data 02.04.2025 deri më datën 13.04.2025 si dhe kërkohet gjatë periudhës së aplikimit të dërgohet CV në postën elektronike zyrtare: kultura.pr@rks-gov.net
