Kryetari i Kryeqytetit, Përparim Rama, ka nënshkruar marrëveshje bashkëpunimi me kryeshefin ekzekutiv të Kompanisë për Shpërndarjen e Energjisë, KEDS Energy, për investimet e nevojshme në rrjetin elektrik në lagjen “Blloku i parë i banesave” në Prishtinë, në kuadër të projektit “Iniciativa për transformimin urban” i cili parasheh rivitalizimin e kësaj lagjeje të kryeqytetit.
Me këtë rast kryetari Rama tha se ky bashkëpunim do të mundësojë realizimin e duhur të projektit të rivitalizimit të “Bllokut të parë të banesave”.
“Shpejt fillojnë punimet për rivitalizimin e lagjes “Blloku i parë i banesave” për t’i dhënë një pamje krejtësisht ndryshe, shumë më të veçantë e përplot jetë” – deklaroi kryetari Rama.
Kryeshefi ekzekutiv i KEDS Energy, u shpreh falënderues për bashkëpunimin me Kryeqytetin Prishtina, si dhe u zotua se investimet në rrjetin elektrik në lagje do të jenë si duhet.
