Për informim të drejtë të qytetarëve sqarojmë:
Vendimet e këtij komiteti gjithmonë janë transparente , pas çdo mbledhje Zyra për Marrëdhënie me Publikun e Komunës së Prishtinës, lëshon komunikatë për media, për vendimet që merr ky komitet.
Ndërkaq, sa i përket pjesëmarrjes së gazetarëve në këto mbledhje, është se salla ku mbahen mbledhjet e KPF-ca, nuk ka hapësirë të mjaftueshme për prezencën e gazetarëve, mirëpo komuna po mundohet që sa më shpejt të krijojë kushte që edhe gazetarët të kenë mundësi të marrin pjesë në këto takime.
Ndërsa sa i përket akuzës së dytë lidhur me gjendjen shëndetësore të kryetarit të komunës, sqarojmë se Zyra për Marrëdhënie më Publikun ka plasuar informatat të cilat i ka poseduar.
Ndryshe puna dhe aktivitet e Komunës së Prishtinës janë shumë transparente dhe respektohen të gjitha rregulloret e miratuara si dhe Zyra për Marrëdhënie me Publikun dhe udhëheqja komunale janë gjithmonë në shërbim të mediave dhe opinionit publik, si nëpërmes prononcimeve të drejtpërdrejta, deklaratave komunikatave, konferencave, Ueb-faqes dhe formave të tjera të komunikimit.
INPO- iniciativa për progres, sot më 20 prill, ka lëshuar një deklaratë për media, ku akuzohet Komuna e Prishtinës, për mungesë së transparencës.
