Tërhiqet leja për rehabilitim ish hotel Unionit

Kryetari i Komunës së Prishtinës, Isa Mustafa, pas konsultimeve me drejtorët e drejtorive, dhe shqyrtimit të raportit nga komisioni i eksperteve të Trashëgimisë Kulturore në kuadër të Ministrisë së Kulturës, Rinisë dhe Sportit, mori vendim për tërheqjen e lejes për rehabilitimin e objektit të ish  hotel “Unionit”. Vendimi i kryetarit Mustafa, është mbështetur në raportin e komisionit të ekspertëve, të cilët kanë konstatuar se objekti në fjalë është shkatërruar mbi 80 % , dhe vlerat  arkitektonike që kapasës ky objekt tashmë nuk ekzistojnë, sipas konstatimit të ekspertëve, ky objekt më nuk paraqet kurrfarë vlere kulturore-arkitektonike dhe historike.

Ndërkaq, Komuna e Prishtinës, mbështetur në  Ligjin për Trashëgiminë Kulturore, do të filloj proceduarat ligjore për të paditur në gjykatën kompetente, pronarin e këtij objekti për dëmtimin e objektit dhe shkatërrimin e vlerave kulturore-arkitektonike dhe historike.

Ndërkaq, sa i përket hapësirës ku ka qenë i vendosur ky objekt vendimi përfundimtarë do të merret nga këshilltarët e Kuvendi të Komunës së Prishtinës, në mbledhjen e radhës.

Po në këtë mbledhje Këshilli i drejtorëve i Komunës së Prishtinës, pas arsyetimit nga ana e drejtorëve të Drejtorive dhe përfaqësuesit të Zyrës ligjore miratoi harmonizimin e këtyre rregulloreve me dispozitat e ligjeve, akteve nënligjore dhe me Statutin e komunës: Rregulloren për shërbimet komunale; Rregulloren për sigurinë në punë, shëndetin dhe mjedisin e punës në shërbimin civil komunal; dhe Rregulloren për shfrytëzim të përkohshëm të pronës komunale për vendosjen e objekteve të përkohshme.

Kryetari i Prishtinë, Isa Mustafa, dhe drejtorët e Drejtorive, sot, caktoi lokacionin e përkohshëm për bizneset në Zonën e Hekurudhës, në rrugë “Tirana”, ku do të dislokohen në Zonën Industriale, në rrugën Prishtinë- Fushë Kosovë.

Në këtë mbledhje vendos që të hapën fillimisht tri institucione parashkollore në lagjet “Arbëria”, “Kodra e Trimave” dhe “Vneshta”, në partneritet publiko-privat, si dhe shqyrtoi kontratën e lidhur midis komunës dhe AGEF-it, për shfrytëzimin e objektit të komunës nga kjo organizatë.

Ndërkaq, kryetari i komunës së Prishtinës, Isa Mustafa, i mbështetur nga anëtarët e Këshillit të drejtorëve, nxori urdhëresën për ndalimin e ekspozimit të mallit jashtë lokaleve afariste dhe në sipërfaqet publike; urdhëresën për përdorimin e ujit të pijshëm gjatë sezonit veror; urdhëresën për ndërprerjen e kryerjes e kryerjes së shërbimeve komunale për mos pagesë të tatimit mbi pronën; si dhe urdhëresën për ndalimin e hedhjes së dheut dhe mbeturinave të ngurta në pronën komunale dhe private.

Këshilli i drejtorëve në pikën e rendit të ditës të ndryshme, diskutoi për edhe çështje tjera që kishin të bënin me realizimin e projekteve të planifikuara për këtë vit, dhe shqyrtoi kërkesat e ndryshme sipas drejtorive.