Komuna e Prishtinës-Drejtoria e Bujqësisë, me qëllim të rritjes së transparencës dhe duke u bazuar në Rregulloren për ndarjen e subvencioneve në Komunën e Prishtinës hap Thirrje për gjashtë përfaqësues të shoqërisë civile si pjesëmarrës i procesit të vlerësimit të garantëve dhe subvencioneve për vitin 2026 .
Për të përzgjedhur përfaqësuesin e shoqërisë civile në cilësinë e anëtarit të Komisionit, me qëllim të vlerësimit të procesit për dhënie të garantëve dhe subvencioneve, ftohen OSHC-të aktive në lëmin e bujqësisë në Kosovë për të nominuar përfaqësuesit e tyre. Ftesa është e hapur për të gjitha OSHC-të nga lëmia e bujqësisë të regjistruara dhe rrjetet e OSHC-ve në Kosovë, pavarësisht anëtarësimit në Platformën CiviKos.
KRITERET PËR ORGANIZATAT QË NOMINOJNË KANDIDATËT
Të drejtën për të nominuar kandidatë kanë të gjitha OShC-të që:
– Janë të regjistruara sipas Ligjit për Liri të Asocimit në Kosovë;
– Ekzistojnë të paktën gjatë 3 viteve të fundit dhe punojnë në fushën e bujqësisë, ekonomisë dhe medias.
Për t’u nominuar nga një OShC, 6 (gjashtë) kandidatët (prej tyre 2 rezervë) duhet të plotësojnë kriteret në vijim:
- Të jetë i/e angazhuar në sektorin e shoqërisë civile në Kosovë;
- Të jetë shtetas/e i/e Republikës së Kosovës;
- Të ketë kualifikim në fushën e bujqësisë, nivelet (BA/MSC);
- Të ketë përvojë pune në shoqëri civile, minimumi 6 muaj;
- Mos të ketë qenë i angazhuar në 5 vitet e fundit në Drejtorinë e Bujqësisë në Komunën e Prishtinës dhe institucionet tjera relevante;
- Angazhimi do të jetë në baza vullnetare, për punën e bërë nuk do të kompensohen;
- Kandidatët e përzgjedhur do të jenë pjesë e komisionit për vlerësimin e aplikacioneve;
- Kandidatët e përzgjedhur obligohen që nga momenti i emrimit nga Kryetari i Komunës të jenë aktiv gjatë gjithë procesit të përzgjedhjes së përfituesve;
- Mos pjesëmarrja në procesin e shqyrtimit administrativ të aplikacioneve dhe zhvillimin e vizitave në terren me qëllim të verifikimit të gjendjes faktike pa ndonjë arsye nënkupton mos zbatim të përgjegjësive të marra.
Procedurat e nominimit
Të gjitha organizatat e shoqërisë civile që i plotësojnë kriteret e përcaktuara në këtë thirrje, ftohen që të nominojnë kandidatët e tyre përmes dorëzimit të dokumentacionit përkatës.
Nominimet duhet të dërgohen në formë elektronike në adresën zyrtare:
info@civikos.net, të administruar nga Platforma CiviKos.
Dokumentet e nevojshme për aplikim:
Organizatat nominuese duhet të dorëzojnë:
- Një përshkrim të shkurtër të portofolios dhe përvojës së organizatës në fushën përkatëse;
- CV-në e personit të nominuar;
- Certifikatën e regjistrimit të organizatës.
Procesi i përzgjedhjes
- Në rast se numri i kandidatëve që i plotësojnë kriteret tejkalon numrin e vendeve të parashikuara, do të zhvillohet një proces votimi.
- Procesi i votimit do të administrohet nga Sekretariati i Platformës CiviKos.
- Nominimet do të shqyrtohen nga një komision i përbashkët i përbërë nga përfaqësues të CiviKos dhe të Prishtina.
- Kandidatët e përzgjedhur do të njoftohen zyrtarisht përmes email-it.
Nominimi mbetet i hapur nga data 24.02.2026 deri me datën 02.03.2026
